Naxçıvan Muxtar Respublikası Ali Məclisi Sədrinin 10 fevral 2018-ci il tarixli sərəncamı ilə yaradılmış Naxçıvan Muxtar Respublikasının Maliyyə Nazirliyi yanında Maliyyə Tədris Mərkəzi muxtar respublikada maliyyə və mühasibatlıq sahəsində çalışan işçilərin peşə hazırlığının təkmilləşdirilməsi, ixtisaslarının artırılması, yenidən hazırlanması və bu sahədə digər zəruri tədbirlərin görülməsi işini həyata keçirir. Bu istiqamətdə aparılan işlərin davamı olaraq bu praktiki dərs vəsaiti Naxçıvan Muxtar Respublikasının Maliyyə Nazirliyi yanında Maliyyə Tədris Mərkəzinin təşşəbüsü ilə hazırlanmışdır.

Ağbulaq İstirahət Mərkəzində Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə Naxçıvan Muxtar Respublikası Ali Məclisinin Sədri yanında Gənclər Fondu, Gənclər və İdman Nazirliyi və Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyi tərəfindən növbəti “Yay məktəbi” fəaliyyətə başlayıb.

Maliyyə Nazirliyi yanında Maliyyə Tədris Mərkəzi tərəfindən icrasına başlanılmış “Gənclərdə büdcə savadlılığı” layihəsi cərçivəsində növbəti təlim 18 iyul 2019-cu il tarixdə Naxçıvan Muxtar Respublikası Maliyyə Nazirliyi yanında Maliyyə Tədris Mərkəzinin təşkilatçılığı ilə Ağbulaq İstirahət Mərkəzində keçirilmişdir. Ağbulaq İstirahət Mərkəzinin iclas zalında keçirilən təlimə 50 -dən çox tələbə cəlb olunub.

 

Təlim 18 iyul 2019-cu il tarixdə Naxçıvan Muxtar Respublikasının Maliyyə Nazirliyi yanında Maliyyə Tədris Mərkəzinin tədris zalında keçirilib. 1,5 saat müddətində planlaşdırılan təlimə Naxçıvan şəhər İcra Hakimiyyətinin tabeli təşkilatlarından 16, Naxçıvan şəhər Gömrük İdarəsindən, Naxçıvan şəhər Gömrük Mühafizə Xidmətindən,  Naxçıvan şəhər Təhsil Şöbəsindən, Naxçıvan şəhər Gigiyena və Epidemiologiya Mərkəzindən, Naxçıvan şəhər Mədəniyyət Şöbəsindən, Dövlət Sosial Müdafiə Fondunun Naxçıvan şəhər Şöbəsindən, Naxçıvan şəhər Vergilər İdarəsindən, Naxçıvan şəhər Əhalinin Sosial Müdafiəsi Mərkəzindən 1 nəfər olmaqla ümumilikdə 24 mütəxəssis cəlb edilib.   

Naxçıvan Muxtar Respublikası Maliyyə Nazirliyində cari ilin birinci yarısının yekunlarına həsr olunmuş kollegiya iclasını Baş nazirin müavini, Maliyyə naziri Səbuhi Məmmədov açaraq məruzə ilə çıxış edib.