29 yanvar 2021-ci il tarixində Naxçıvan Muxtar Respublikası Maliyyə Nazirliyi yanında Maliyyə Tədris Mərkəzinin və Naxçıvan Gənclər Fondunun təşkilatçılığı ilə 2 fevral - Gənclər Günü münasibətilə “Qənaətcil büdcəmiz” adlı təlim keçirilib.

Gənclər Fondunda təşkil olunan təlimə 40-dan çox gənc cəlb olunub. Təlimin ümumi məqsədi iştirakçılara maliyyə vəsaitlərindən daha ağıllı və səmərəli istifadə etmək bacarıqları öyrətməkdir.

27-28 yanvar 2021-ci il tarixində  Naxçıvan Muxtar Respublikası Maliyyə Nazirliyi yanında Maliyyə Tədris Mərkəzində “Büdcə uçotu və hesabat” adlı iki günlük təlimə yekun vurulub.

Təlimə Naxçıvan Muxtar Respublikasının Təhsil, Səhiyyə Nazirliyi və Dövlət Vergi Xidmətinin maliyyə və mühasibat uçotu sahəsində çalışan 12 nəfər işçisi cəlb olunub. Təlimin əsas məqsədi mühasibatlıq sahəsində çalışan işçilərin peşə hazırlığının təkmilləşdirilməsi və biliklərinin qiymətləndirilməsindən ibarətdir.

Naxçıvan Muxtar Respublikası Maliyyə Nazirliyində keçirilən kollegiya iclasını Maliyyə naziri Rafael Əliyev açaraq bildirib ki, Naxçıvan Muxtar Respublikası dövlət büdcəsinin 2020-ci ildə gəlirləri 113 milyon 200 min manat təyinata qarşı 116 milyon 718 min 58 manat və ya 103,1 faiz icra olunmaqla, büdcəyə 3 milyon 518 min 58 manat artıq vəsait daxil olub.

14 yanvar 2021-ci il tarixində Naxçıvan Muxtar Respublikası Maliyyə Nazirliyi yanında Maliyyə Tədris Mərkəzində Xəzinədarlıq əməliyyatları üzrə sənədlərin elektron tərtibi sistemində qurulmuş yeni modulun “Ödəniş tapşırığı” sənədlərinin daxil edilməsi və baxılması bölməsinin praktiki izahı adlı təlimlərə start verilib. 2 saat ərzində davam edən təlimə muxtar respublikanın rayonlarında fəaliyyət göstərən təşkilatlardan 12 maliyyə-mühasibat işçisi cəlb olunub.