17 oktyabr Füzuli şəhəri günüdür

          Bu gün Füzuli şəhərinin Ermənistanın işğalından azad olunmasından 3 il ötür. Ali Baş Komandan İlham Əliyevin rəhbərliyi ilə Müzəffər Azərbaycan Ordusu 17 oktyabr 2020-ci il tarixində Füzuli şəhərini düşmən işğalından azad edib. 

          31 iyul 2023-cü ildə Prezident İlham Əliyev Vətən müharibəsində əldə olunmuş tarixi qələbəni əbədiləşdirmək və işğaldan azad edilmiş şəhərlərin günlərini təsis etmək məqsədilə sərəncam imzalamışdır. Sərəncama əsasən hər il işğaldan azad edilmiş ərazilərdəki şəhərlərin günləri təntənəli şəkildə qeyd olunacaq.