Mühasiblər “Məzuniyyət hüququ və onun təmin edilməsi” ilə bağlı təlimə cəlb edilib


17-18 fevral 2022-ci ildə Naxçıvan Muxtar Respublikasının Maliyyə Nazirliyi yanında Maliyyə Tədris Mərkəzində “Məzuniyyət hüququ və onun təmin edilməsi” mövzusunda iki günlük təlim keçirilib. Təlimin keçirilməsində məqsəd muxtar respublikanın dövlət büdcəsindən maliyyələşən təşkilatlarında işçilərin məzuniyyət hüququnun mövcud qanunvericiliyə uyğun olaraq təmin edilməsindən ibarətdir.
DAVAMI
  • 378

Maliyyə Tədris Mərkəzində Gənclər Günü münasibətilə tədbir keçirilib


1 fevral 2022-ci il tarixində Maliyyə Tədris Mərkəzinin təşkilatçılığı və maliyyə könüllülərinin  dəstəyi ilə 2 fevral - Gənclər Günü münasibətilə “Breyn-rinq” intellektual bilik yarışması təşkil olunub. Tədbiri giriş sözü ilə açan Mərkəzin direktoru Mehriban İmanova ulu öndər Heydər Əliyevin adı ilə bağlı olan 2 fevral - Gənclər Günü münasibətilə iştirakçıları  ürəkdən təbrik edib, Azərbaycanımızın tərəqqisi yolunda həyata keçirdikləri fəaliyyətlərində uğurlar arzu edib.
DAVAMI
  • 416

Mənzil və kommunal təsərrüfatı müəssisələrinin əməkdaşları təlimə cəlb ediliblər


26-27 yanvar 2022-ci il tarixlərində Maliyyə Tədris Mərkəzində keçirilən növbəti təlimə Naxçıvan Şəhər İcra Hakimiyyətinin tabeliyində olan Mənzil İstismar İdarələri, Naxçıvan Şəhər İstilik Təsərrüfatı İdarəsi, “Naxçıvan Lift Xidməti” publik hüquqi şəxsi, Fəxri Xiyaban İdarəsi və digər təşkilatlarda çalışan 12 nəfər mütəxəssis cəlb olunub.
DAVAMI
  • 363

Ordubad gəncləri də “Maliyyə məktəbi” layihəsinə qoşulublar


Ordubad rayon gənclərinin iştirakı ilə “Gələcək üçün maliyyə” mövzusunda təlim təşkil olunub. Məqsəd gənclərin asudə vaxtının səmərəli təşkili, onları maliyyə sahəsinə təşviq etməklə qazanc, qənaət, xərc, investisiya, büdcə haqqında məlumatlandırmaqdan ibarət olub. Təlim başlamazdan əvvəl Ordubad Rayon İcra Hakimiyyətinin əməkdaşı Nurlan Səfərli iştirakçıları salamlayaraq onlara uğurlar arzulayıb, layihənin ərsəyə gəlməsində əməyi keçənlərə təşəkkürünü ifadə edib.
DAVAMI
  • 0
  • 423

Maliyyə Tədris Mərkəzində 2022-ci ilin ilk təlimi keçirilib


Naxçıvan Muxtar Respublikasının Maliyyə Nazirliyi yanında Maliyyə Tədris Mərkəzi büdcə təşkilatlarının maliyyə və mühasibatlıq işində çalışanların mövcud biliklərinin artırılması və ixtisaslarının təkmilləşdirilməsi istiqamətində işlərini davam etdirir.
17-18 yanvar 2022-ci il tarixlərində Mərkəzdə maliyyə və mühasibatlıq üzrə mütəxəssislər üçün “Beynəlxalq standartlara uyğun olaraq memorial order forması  əsasında sintetik uçotun aparılması” mövzusunda növbəti təkmilləşdirici təlim keçirilib. İki gün, 4 tədris saatı müddətində planlaşdırılan təlimə muxtar respublikada fəaliyyət göstərən  büdcə təşkilatlarının hüquq mühafizə sahəsində çalışan 12 nəfər maliyyə və mühasibat işçisi cəlb edilib.
DAVAMI
  • 442

Maliyyə Tədris Mərkəzində növbəti təkmilləşdirici təlim başa çatıb



Naxçıvan Muxtar Respublikasının Maliyyə Nazirliyi yanında Maliyyə Tədris Mərkəzində ictimai sektor üçün “Ehtiyatlar” adlı mühasibat uçotunun beynəlxalq standartının nəzəri və praktiki izahı adlı növbəti ikigünlük təlim təşkil olunub.
Təlimə Naxçıvan Muxtar Respublikasının Fövqəladə Hallar Nazirliyindən, Dövlət Gömrük Komitəsindən, Dövlət Miqrasiya Xidmətindən, Dövlət Vergi Xidmətindən və digər təşkilatlardan 13 nəfər maliyyə-mühasibatlıq işçisi cəlb olunub.
DAVAMI
  • 400

“Maliyyə məktəbi” layihəsi çərçivəsində Sədərəkdə keçirilən növbəti təlim başa çatıb


Naxçıvan Muxtar Respublikasının Maliyyə Nazirliyi yanında Maliyyə Tədris Mərkəzi və Naxçıvan Muxtar Respublikası Gənclər və İdman Nazirliyinin birgə təşkilatçılığı ilə Sədərək Rayon Mədəniyyət Sarayında “Maliyyə məktəbi” layihəsi çərçivəsində “Gələcək üçün maliyyə” adlı növbəti təlim keçirilib. Təlimdə 30-dan çox gənc dövlət qulluqçusu iştirak edib.
DAVAMI
  • 435
Sosial şəbəkələrdə biz