Naxçıvan Muxtar Respublikası Maliyyə Nazirliyinə hamiliyə verilmiş Naxçıvan Dövlət Universiteti və “Naxçıvan” Universitetinin Mühasibat uçotu və audit ixtisasında təhsil alan tələbələrin istehsalat təcrübəsinin yekunlaşması ilə əlaqədar 29 dekabr 2020-ci il tarixində tələbələrin layihələrinin təqdimatı olub.

25 dekabr 2020-ci il tarixində Naxçıvan Muxtar Respublikası Maliyyə Nazirliyi yanında Maliyyə Tədris Mərkəzində büdcə təşkilatlarında çalışan maliyyə və mühasibatlıq işçilərinin iştirakı ilə “Maliyyə hesabatlarının tərtib olunmasının praktiki izahı” mövzusunda növbəti təlim keçirilib. Təlimin məqsədi mühasibatlıq sahəsində çalışan işçilərin peşə hazırlığının təkmilləşdirilməsi və biliklərinin qiymətləndirilməsindən ibarətdir.

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq` təşkilatlara hamiliyə verilməsi haqqında” Sərəncamı təhsilə fərqli yanaşma mexanizminin formalaşmasına, qarşılıqlı və çoxşaxəli fəaliyyət planlarının hazırlanmasına və ən əsası dövlət kadr siyasətinin inkişafına təkan verir.

Naxçıvan Muxtar Respublikasının Maliyyə Nazirliyi yanında Maliyyə Tədris Mərkəzinin kollektivi 22 dekabr 2020-ci il tarixində Avropa İttifaqının maliyyələşdirdiyi “Azərbaycan regionlarinda dayanıqlı mikrosahibkarlığın inkişafının sürətləndirilməsi” (ADSMİRRA) layihəsi çərçivəsində həyata keçirilən “Böhran dövründə maliyyə dayanıqlılığının artırılması” mövzusunda təşkil edilən Maliyyə savadlılığı üzrə təlimçilərin İllik yığıncaq konfransında iştirak ediblər. Yığıncağı giriş sözü ilə Azərbaycan Mikromaliyyə Assosiasiyasının İctimai Birliyinin (AMFA) icraçı direktoru Jalə Hacıyeva açaraq layihə haqqında geniş məlumat verib.