Azərbaycanda Ağdam Şəhəri Günü ilk dəfədir qeyd olunur.Prezident İlham Əliyevin bu il iyulun 31-də imzaladığı sərəncama əsasən, hər il noyabrın 20-də Ağdam Şəhəri Günü təntənəli şəkildə qeyd ediləcək.Bu əlamətdar günün təsis olunması Ağdam şəhərinin Ermənistan silahlı qüvvələrinin işğalından azad edilməsi tarixi ilə bağlıdır. Belə ki, bu gün - noyabrın 20-də şəhərin erməni işğalçılarından təmizlənməsindən 3 il ötür.

Şuşa şəhərinin işğaldan azad edilməsindən 3 il ötür. 8 noyabr 2020-ci il tarixində Azərbaycan Respublikası Silahlı Qüvvələri tərəfindən Şuşa şəhəri işğaldan azad edilib. Şuşanın işğaldan azad edilməsi 44 günlük vətən müharibəsinin taleyində həlledici rol oynadı, Müzəffər Azərbaycan Ordusunun gücünü bütün dünyaya tanıtdı.

Ulu öndər Heydər Əliyevin anadan olmasının 100-cü ildönümü və 10 noyabr-Beynəlxalq Mühasiblər Günü münasibətilə Naxçıvan Muxtar Respublikasının Maliyyə Nazirliyi yanında Maliyyə Tədris Mərkəzinin təşkilatçılığı əsasında Maliyyə Nazirliyinin iclas zalında Beynəlxalq Mühasiblər günü qeyd edilib.