Naxçıvan Dövlət Universitetinin tələbələri istehsalat təcrübəsi keçirlər


Naxçıvan Dövlət Universitetinin İqtisadiyyat və idarəetmə fakültəsinin “Mühasibat uçotu və audit” ixtisasında, əyani şöbə üzrə, təhsil alan IV kurs tələbələri Azərbaycan Respublikası Naxçıvan Muxtar Respublikasının Maliyyə Nazirliyində istehsalat təcrübəsinə cəlb olunub. Hazırlanmış təcrübə proqramına uyğun olaraq maliyyə nazirliyinin Xəzinə şöbəsinin müdiri Nurlan Hacıyev və həmin şöbənin əməkdaşı İbrahim Şərifov iş fəaliyyətləri haqqında geniş məlumat verib, “Büdcə təşkilatlarında balans hesabatlarının tərtib olunması”, “Rayon(şəhər) üzrə maliyyə şöbələrinə XAKS-ların açılması”, “ Büdcə təşkilatlarının xərc smetalarının işlənməsi” və digər mövzular ətrafında çıxış ediblər. Sonda tələbələri maraqlandıran suallar cavablandırılıb.Qeyd edək ki, təcrübə müddətində tələbələrin nazirliyin müvafiq şöbələrində mövcud iş prosesi ilə tanış olması və nəzəri biliklərə yiyələnməsi əsas məqsəd daşıyır.
DAVAMI
  • 74

“Hazır mühasib – Naxçıvan” layihəsinin bağlanış tədbiri keçirilib


Naxçıvan Muxtar Respublikasının Maliyyə Nazirliyi yanında Maliyyə Tədris Mərkəzi ilə İqtisadi Araşdırmalar və Tədris Mərkəzinin birgə təşkilatçılığı əsasında ərsəyə gələn “Hazır mühasib – Naxçıvan” layihəsinin bağlanış tədbiri keçirilib.
Naxçıvan Muxtar Respublikası Maliyyə Nazirliyi, İqtisadi Araşdırmalar və Tədris Mərkəzinin əməkdaşları, büdcə və kommersiya təşkilatlarının mühasibləri və layihə iştirakçıları ilə birlikdə keçirilən tədbirdə Maliyyə Tədris Mərkəzinin direktoru Mehriban İmanova çıxış edərək layihənin mahiyyəti və əhəmiyyəti haqqında danışıb. Bildirilib ki, iqtisadiyyatın müxtəlif sahələrində beynəlxalq inteqrasiyanın rolunun artması ölkəmizdə də tətbiq olunan uçot və hesabat işlərinin eyniləşdirilməsini, hamı üçün anlaşıqlı olmasını tələb edir. Bu gün mühasibat uçotunun beynəlxalq standartara uyğun qurulması və maliyyə vəziyyətinin şəffaf şəkildə qiymətləndirilməsi üçün əmək bazarında kifayət qədər peşəkar mühasiblərə ehtiyacın olduğu qeyd edilib. Muxtar respublikamızda bu istiqamətdə kadr hazırlığına və gənclərin karyera quruculuğuna dəstək olmaq məqsədilə 6 ay ərzində ödənişsiz qaydada və onlayn şəkildə təşkil olunan kursun  uyğun dərs vəsaitləri əsasında tədris edildiyi, mütəmadi olaraq imtahanların keçirildiyi bildirilib.
DAVAMI
  • 197

10 noyabr “Beynəlxalq Mühasiblər Günü” qeyd edilib



Maliyyə Tədris Mərkəzinin təşkilatçılığı ilə 10 noyabr – Beynəlxalq Mühasiblər Günü münasibətilə “Breyn-rinq” intellektual bilik yarışması təşkil olunub. 
Tədbiri giriş sözü ilə açan Mərkəzin direktoru Mehriban İmanova qeyd edib ki, qədim sivilizasiyalara aid olan mühasibat uçotunun tarixi yazının, pulun və ticarətin inkişafı ilə sıx bağlıdır. Bu günə qədər mühasibat uçotu xeyli inkişaf prosesindən keçmiş, lakin onun əsas prinsipləri və prosedurları orta əsrlərdən bəri əsasən dəyişməz olaraq qalmışdır. 1494-cü ilin  noyabr ayının  10-da italyan alimi Luka Paciolinin nəşr edilən kitabında  ikili mühasibat uçotunun təsviri mühasibat uçotu praktikasında inqilab edərək, müəssisələrə öz səmərəliliyini və gəlirliliyini artırmağa kömək etdi. Buna görə də mühasibat uçotunun inkişafına təkan verən bu tarix “Beynəlxalq Mühasiblər Günü” olaraq seçilib. Mehriban İmanova “Beynəlxalq Mühasiblər Günü”  münasibətilə gənc mühasibləri təbrik edib, onlara iş fəaliyyətlərində uğurlar arzulayıb.
DAVAMI
  • 183

Hüquq-mühafizə orqanlarında çalışan maliyyə-mühasibatlıq işçiləri təlimə cəlb olunub



27-28 sentyabr 2022-ci il tarixlərində Naxçıvan Muxtar Respublikasının Maliyyə Nazirliyi yanında Maliyyə Tədris Mərkəzində iki günlük təlim keçirilib. “Düzəliş qeydləri və müvəqqəti hesabların bağlanması” adlı təlimə muxtar respublikanın hüquq-mühafizə orqanlarında çalışan 22 nəfər maliyyə-mühasibatlıq işçisi cəlb olunub. 
DAVAMI
  • 216
Sosial şəbəkələrdə biz