Maliyyə Tədris Mərkəzində təkmilləşdirici təlim keçirilib.

3 oktyabr 2023-cü il tarixindən etibarən Naxçıvan Muxtar Respublikasının Maliyyə Nazirliyi yanında Maliyyə Tədris Mərkəzində təşkil olunan “Maliyyə hesabatlarının hazırlanmasının nəzəri və praktiki əsasları” adlı üç günlük   təlimlərə start verilib. Təlimin ilk günündə mərkəzləşdirilmiş xərclərdən maliyyələşən  büdcə təşkilatlarının 24 nəfər baş mühasibi iştirak edib.
DAVAMI
  • 79

Mühasiblər və tələbələr arasında III muxtar respublika müsabiqəsi keçirilib - FOTO Mühasiblər və tələbələr arasında III muxtar respublika müsabiqəsi keçirilib


Naxçıvan Muxtar Respublikasının  Maliyyə Nazirliyi yanında Maliyyə Tədris Mərkəzi tərəfindən  Ulu Öndər Heydər Əliyevin anadan olmasının 100 illiyinə həsr olunan “Yeni dövrün ən yaxşı mühasibi” III muxtar respublika müsabiqəsi keçirilib.
Müsabiqədə muxtar respublikanın müəssisə və təşkilatlarında çalışan maliyyə-mühasibat işçiləri, ali və orta ixtisas təhsili müəssisələrinin tələbələri, bu sahəyə marağı olan digər şəxslər də daxil olmaqla, onlayn qeydiyyatdan keçmiş 48 nəfər iştirak edib.
DAVAMI
  • 154

Naxçıvan Muxtar Respublikasının Maliyyə Nazirliyinin təşkilatçılığı ilə ümummilli lider Heydər Əliyevin 100 illik yubileyinə həsr olunmuş tədbir keçirilib



Naxçıvan Muxtar Respublikasının Maliyyə Nazirliyinin təşkilatçılığı ilə “Heydər Əliyev və Azərbaycanda davamlı inkişafın təmin edilməsində maliyyə siyasətinin rolu” mövzusunda beynəlxalq konfrans keçirilib. Əvvəlcə Ulu Öndər Heydər Əliyevin Naxçıvan şəhərindəki abidəsinin önünə gül dəstələri qoyulub, Heydər Əliyev Muzeyi ziyarət edilib.
Naxçıvan Biznes Mərkəzində keçirilən tədbirdə nazirliyin əməkdaşları ilə yanaşı, müvafiq ixtisaslarda təhsil alan tələbələr, Türkiyə Respublikası və ölkəmizdən tədbirə onlayn qoşulan iqtisadçı alimlər də iştirak ediblər. Ümummilli Lider Heydər Əliyevin, Azərbaycan Respublikasının ərazi bütövlüyü uğrunda şəhid olan Vətən övladlarının və qardaş Türkiyə Respublikasında baş vermiş zəlzələ nəticəsində həlak olanların xatirələri bir dəqiqəlik sükutla yad olunub, Azərbaycan Respublikasının Dövlət Himni səsləndirilib.
DAVAMI
  • 153

İstehsalat təcrübəsi davam edir


\
Naxçıvan Muxtar Respublikasının Maliyyə Nazirliyində keçirilən növbəti istehsalat təcrübəsi davam edir. 
Hazırlanmış təcrübə proqramına uyğun olaraq nazirliyin Gəlirlərin proqnozu şöbəsinin əməkdaşları Xəlil Vəlizadə , Əmir Aslanov və Miryaqub Seyidov şöbənin iş fəaliyyəti haqqında geniş məlumat verərək “Dövlət büdcə gəlirlərinin proqnozlaşdırılması”, Dövlət büdcəsinin gəlirləri”, “Büdcə gəlirlərinin planlaşdırılması və modelləşdirilməsi” və digər mövzular ətrafında çıxış ediblər. Sonda tələbələri maraqlandıran suallar cavablandırılıb
DAVAMI
  • 0
  • 205

Naxçıvan Muxtar Respublikasının Maliyyə Nazirliyində keçirilən istehsalat təcrübəsi uğurla davam edir.


Hazırlanmış təcrübə proqramına uyğun olaraq nazirliyin Dövlət aparatının və hüquq- mühafizə orqanlarının maliyyəsi şöbəsinin əməkdaşları Pərvin Cümşüdova və Zülfiyyə Muxtarlı şöbənin iş fəaliyyəti haqqında geniş məlumat verərək “Dövlət orqanlarında ştat cədvəllərinin hazırlanması və onlara nəzarət”, “Dövlət qulluqçularının vəzifə maaşı və vəzifə maaşına əlavələrin hesablanması”, “Dövlət orqanlarının təsnifatı”və digər mövzular ətrafında çıxış ediblər. Sonda tələbələri maraqlandıran suallar cavablandırılıb.Qeyd edək ki, Naxçıvan Dövlət Universitetinin İqtisadiyyat və idarəetmə fakültəsində təhsil alan  “Mühasibat uçotu və audit” ixtisasının IV kurs tələbələrinə həmçinin təcrübə müddətində keçirilən mövzulara uyğun olaraq praktiki tapşırıqlar tətbiq edilir.
DAVAMI
  • 202
Sosial şəbəkələrdə biz